Промоција на третиот број на меѓународното студентско списание за археологија и историја на уметноста “AXIOS” (Фото Галерија)

На 27 ноември 2018 година, во Салата за седници при Филозофскиот факултет во Скопје, јавно беше промовиран третиот број на меѓународното студентско списание за археологија и историја на уметноста „AXIOS“, во издаваштво на Студентското археолошко здружение „Аксиос“ од Скопје.

Третиот број на списанието „AXIOS“ е составен од осум трудови во авторство на седум студенти кои доаѓаат од различни универзитети од четири држави. За овој број, свои трудови приложија тројца македонски студенти по археологија, историја на уметноста и историја од Универзитетот „Св. Кирил и Методиј“ – Скопје, додека пак странските студенти, четири на број, кои го збогатија списанието со нивни трудови, доаѓаат од Универзитетот во Белград, Универзитетот во Сараево и Универзитетот во Љубљана.

Текстовите опфаќаат широк дијапазон на теми од археологијата, историјата на уметноста и историјата, запознавајќи ги читателите со новооткриени археолошки локалитети и наоди, отворајќи различни дискусии за развојот и транзициите во културата и актуализирајќи прашања поврзани со заштитата и промоцијата на културното наследство.

Меѓународното студентско списание „AXIOS“ има за цел да ја поттикнува активната истражувачка дејност на студентите кои го изучуваат културниот развиток на човечката цивилизација низ вековите, да ја поттикнува нивната меѓусебна соработка и да претставува медиум преку кој тие можат да ги публикуваат своите први научни размислувања.

Списанието е достапно во електронска форма на официјалниот веб-блог на САЗ „Аксиос“, како и на трите најпопуларни платформи за веб-публикување: Issuu, Scribd и Academia.

Continue reading “Промоција на третиот број на меѓународното студентско списание за археологија и историја на уметноста “AXIOS” (Фото Галерија)”

Advertisements

„Тема:Не“ во Музеј на Македонија (Фото Галерија)

Заврши “Тема:Не”, но ние не завршуваме тука!

Благодариме на сите посетители и учесници: историчари на уметноста, археолози, класичари, етнолози, филозофи, историчари, психолози, дефектолози, социолози, сликари, вајари, графичари, поети, актери, музичари, рејвери, металци, млади, стари. “Тема:Не” беше посветен на Вас – активните учесници во културата.

Се надеваме дека ќе имаме можност да се гледаме и соработуваме на многу идни настани, а зошто да не и на второ издание на “Тема:Не”.

Во продолжение погледнете ја фото-галеријата од настанот. 🙂

Continue reading “„Тема:Не“ во Музеј на Македонија (Фото Галерија)”

„НЕ!“ за пасивноста во културата

 „Не“, „Не може“, „Немаме“ – ова се некои од најчестите одговори кои ги добиваат младите кога сакаат да организираат нешто, особено кога се работи за културни и уметнички настани. Институциите често „немаат пари“, а луѓето „немаат време“ или „не им е гајле“. Но, дали всушност културата и уметноста во нашата држава патат повеќе од самонаметната пасивност отколку навистина од немање пари и време?

Ова прашање си го поставивме и ние, одговарајќи со едногласно „Не!“ на пасивноста во културата. Имено, овој викенд од 1 до 3 јуни, во НУ Музеј на Македонија, „Аксиос“ го организира тридневниот културно-уметнички настан „Тема: Не!“ кој има за цел да ги поттикне младите на културна активност и ќе вклучува проекција на филмови, јавни дебати, музички настапи, поетска вечер и изложба на ликовни дела.

Како идни активни учесници во сферата на археологијата и историјата на уметноста, ние студентите од „Аксиос“ веруваме дека треба да имаме поширока одговорност во градењето на нашето општеството. Работниците во полето на културата се личности кои треба да даваат придонес во развојот на заедницата. Од тука тргнавме да организираме настан кој ќе ги собере сите млади од полето на општествените и културно-уметничките насоки на едно место, да ги срушиме бариерите и да се спротивставиме на пасивноста во културата.

Покрај членовите на „Аксиос“ кои го организираат и финансираат целиот настан без помош од институции, фондови или компании, на целосно волонтерска база се приклучија и околу 40 други учесници во подготовката на содржините – етнолози, класичари, историчари, филозофи, дефектолози, психолози, графичари, сликари, вајари, глумци, поети, музичари, сите на едно место и со иста цел – да кажат „НЕ“ за пасивноста во културата.

Целосната програма на настанот во продолжение:

Ден 1 (Петок – 01.06.2018)

17:00 – 20:00 – Рецепција на антиката во современата уметност – проекција на филмот “The Name of the Rose” (1986) и презентација „Антиката во филмскиот серијал Хари Потер“
20:00 – 21:00 – Јавна дебата „Често поставувани прашања и негативни одговори“ – отворена дискусија за предизвиците во развојот на културата и уметноста во Македонија и светот и нивното влијание во општеството.
21:00- 00:00 – Музички DJ сет на Oubli

Ден 2  (Сабота – 02.06.2018)

17:00 – 19:00 – Проекција на кратки етнолошки филмови – во организација на Македонското студентско етнолошко-антрополошко друштво.
19:00 – 21:00 – Јавна дебата „Толеранционен логор“ – отворена дискусија посветена на цензурата, толеранцијата и дискриминацијата во општеството, уметноста и науката.
21:00 – 00:00 – Музички концерт на младиот метал бенд Conspiracy.

Ден 3  (Недела – 03.06.2018)

18:00 – 19:00 – Дискусија: „Елитизмот во уметноста“ – отворена јавна дебата за елитизмот во визуелната уметност и нејзината достапност до популацијата со нарушен вид (проследена со соодветна изложба на тактилни уметнички дела). Модерирана од членови на Студентското археолошко здружение „Аксиос“ во соработка на студенти од институтот за Дефектологија и студенти од Факултетот за ликовни уметности.
19:00 – 21:00 – Отворена поетска вечер
21:00 – Oтварање на изложба на дела во авторство на студенти од Факултетот за ликовни уметности

Промоција на вториот број на меѓународното студентско списание за археологија и историја на уметноста “Axios” (Фото Галерија)

На 17 ноември 2017 година, во Конференциската сала при Археолошкиот музеј на Македонија во Скопје, јавно беше промовиран вториот број на меѓународното студентско списание за археологија и историја на уметноста „Axios“, во издаваштво на Студентското археолошко здружение „Аксиос“ од Скопје и потпомогнато од Министерството за култура на Република Македонија.

Вториот број на списанието е составен од петнаесет трудови во авторство на шеснаесет студенти кои доаѓаат од пет универзитети во три држави. За овој број, свои трудови приложија шест македонски студенти по археологија, историја на уметноста и историја од Универзитетот „Св. Кирил и Методиј“ – Скопје и Универзитетот „Гоце Делчев“ – Штип, додека пак странските студенти, десет на број, кои го збогатија списанието со нивни трудови доаѓаат од Универзитетот од Белград, Универзитетот од Приморска (Копер) и Универзитетот од Љубљана. Текстовите опфаќаат широк дијапазон на теми од класична археолошка методологија, па до симболички анализи, доцноантичка уметност и музеологија.

Списанието има за цел да ја поттикнува активната истражувачка дејност на студентите кои го изучуваат културниот развиток на човечката цивилизација низ вековите, да ја поттикнува нивната меѓусебна соработка и да претставува медиум преку кој тие ќе можат да ги публикуваат своите први научни размислувања.

Списанието е достапно бесплатно во електронска форма на официјалниот веб-блог на САЗ „Аксиос“, на нашиот Academia.edu профил, на Issuu и на Scribd.

Благодарност до Министерството за култура на Република Македонија, НУ Археолошки музеј на Македонија, Винарија Стоби и компанија Бако, до сите гости, колеги, поддржувачи и љубители на културата.

Continue reading “Промоција на вториот број на меѓународното студентско списание за археологија и историја на уметноста “Axios” (Фото Галерија)”

Промовиран првиот број на меѓународното студентско списание “Axios” (Фото Галерија)

Списанието е достапно бесплатно во електронска форма на официјалниот веб блог на САЗ “Аксиос”, на нашиот Academia.edu профил, на Issuu и на Scribd.

Continue reading “Промовиран првиот број на меѓународното студентско списание “Axios” (Фото Галерија)”

Промоција на првиот број од меѓународното студентско списание за археологија и историја на уметноста “Axios”

После неколку месеци на собирање трудови и технички подготовки, првиот број од меѓународното студентско списание за теми од археологијата, историјата на уметноста и културното наследство “Axios” во издаваштво на Студентското археолошко здружение “Аксиос” од Скопје ќе биде промовиран во четврток, 26.01.2017. Промотивниот настан ќе биде одржан во Салата за седници при Филозофскиот факултет во Скопје со почеток во 12 часот.

axios-1

Првиот број на списанието ќе биде составен од вкупно четрнаесет текстови во авторство на петнаесет студенти од четири различни универзитети од три држави – Македонија, Србија и Германија. Текстовите опфаќаат голем број на теми, почнувајќи од археолошки рекогносцирања, античка луксузна архитектура и уметност, древни религиозни култови и митолошки концепти, па сé до физичко-антрополошки анализи и употребата на современи дигитални технологии во проучувњето на средновевековни цркви.

Списанието има за цел да ја поттикнува активната истражувачка дејност на студентите кои го изучуваат културниот развиток на човечката цивилизација низ вековите, да ја поттикнува нивната меѓусебна соработка и да претставува медиум преку кој тие ќе можат да ги публикуваат своите први научни размислувања.

Списанието ќе биде достапно бесплатно во електронска форма на официјалниот веб блог на САЗ “Аксиос” (www.axiosskopje.wordpress.com/axios-journal/), на нашиот Academia.edu профил (www.worldrroma.academia.edu/AxiosSkopje), на Issuu (issuu.com/axiosjournal) и на Scribd (www.scribd.com/user/330002079/Axios-Skopje).

“Што? Како? Археологија и историја на уметноста” во СУГС Гимназија „Јосип Броз – Тито“ – Скопје

Што? Како? Археологија и историја на уметноста? е името на тековен проект на Студентското археолошко здружение “Аксиос” – Скопје, преку кој имаме за цел да ја разбудиме љубопитноста и да ги запознаеме учениците од средните училишта во Република Македонија со науките археологија, историја на уметноста и културното наследство воопшто, како непрекинати извори на инспирација и минато искуство на целокупното човештво врз кое го градиме нашето модерно опшество.

Првото предавање од „Што? Како? Археологија и историја на уметноста?“ беше одржано во СУГС Гимназија „Јосип Броз – Тито“ во Скопје на 11 мај 2016 година. Воведен збор кон предавањето имаше д-р Елизабета Димитрова, професор при Инситутот за историја на уметноста и археологија од Филозофскиот факултет во Скопје. Continue reading ““Што? Како? Археологија и историја на уметноста” во СУГС Гимназија „Јосип Броз – Тито“ – Скопје”